ԲՐՈՔԵՐԱՅԻՆ ԾԱՌԱՅՈՒԹՅՈՒՆՆԵՐ

Տեղեկատվական ամփոփագիր

Կորպորատիվ հաճախորդների համար անհրաժեշտ փաստաթղթեր Ֆիզիկական հաճախորդների համար անհրաժեշտ փաստաթղթեր

Ծառայության անվանումը, տեսակը

<<Էքուիթի Էյ Էմ>> ՓԲ Ընկերությունը (հետագայում ՝ Բրոքեր) հաճախորդներին ծառայություններ է մատուցում արտարժույթով, ապրանքային և ֆոնդային ինդեքսներով գնային տարբերության պայմանագրերով (CFD) գործարքների կատարման հանձնարարականներ ընդունելու և հաղորդելու միջոցով:

Բրոքերն իր հաճախորդներին չի տրամադրում խորհրդատվություն արտարժույթներում, ապրանքային և ֆոնդային ինդեքսների գնային տարբերության պայմանագրերում (CFD) ներդրում կատարելու վերաբերյալ և որևէ կերպ չի երաշխավորում կամ չի խրախուսում այս կամ այն ներդրման կատարումը:

Մատուցվող ծառայություններից օգտվելու միջնորդավճարների, ծախսերի և այլ վճարների, այլ հնարավոր լրացուցի

Մատուցվող ծառայությունների պայմանների և միջնորդավճարների վերաբերյալ տեղեկատվություն կարող եք գտնել այստեղ:

Հաճախորդի կողմից վճարումներ կատարելու պայմանների, եղանակների և ժամկետների մասին

Մատուցվող բրոքերային ծառայությունների դիմաց հաճախորդը վճարում է հետևյալ գումարները` միջնորդավճարներ, սպրեդ, իսկ սվոպ և շահաբաժնային վճարներ կարող են ինչպես գանձվել հաշվից, այնպես էլ մուտքագրվել հաշվին՝ կախված գործարքի տեսակից: Միջնորդավճարների, սվոպ և շահաբաժնային վճարների հաշվարկման բանաձևերի մասին առավել մանրամասն տեղեկատության կարող եք ծանոթանալ այստեղ:

Միջնորդավճարները գանձվում են հաճախորրդի բացված հաշվի արժույթով: Միջնորդավճարները գանձվում են դիրքի բացման պահին, իսկ սվոպ և շահաբաժնային վճարները՝ կախված դիրքի տեսակից, հաշվարկվում են օրական կտրվածքով:

Հաճախորդների պատվերները և առանձնահատուկ ցուցումները ստանալու նպատակով հաճախորդի հետ կապի իրականացում

Հաճախորդը Բրոքերի հետ պայմանագիրը ստորագրելով՝ համաձայնվում է Բրոքերին տրամադրել համապատասխան կոնտակտային տվյալներ՝ էլ. փոստ, փոստային հասցե կամ հեռախոսահամար, որոնցով միջոցով Բրոքերը կարող է կապնվել հաճախորդի հետ : Նշված տվյալներից յուրաքանչյուրի փոփոխության դեպքում հաճախորդը պետք է սահմանված եղանակով անհապաղ տեղեկացնի Բրոքերին, հակառակ դեպքում հաճախորդը կրում է այն չանելու հետևանքով հնարավոր բացասական հետևանքների ռիսկը:

Կոնտակտային տվյալները ներառվում են Հաճախորդի հետ կնքվող պայմանագրում:

Պայմանագրի ժամկետը

Ընկերության բրոքերային ծառայությունների մատուցման շրջանակներում պայմանագիրը կնքվում է առանց ժամկետի նշման: Ցանկացած դեպքում հաճախորդի կողմից պայմանագիրը կարող է միակողմանիորեն լուծվել՝ Բրոքերին առնվազն 10 օր առաջ այդ մասին տեղեկացնելու դեպքում:

Կնքված պայմանագրերի դադարեցման դեպքում հաճախորդի միջոցների վերադարձման կարգը

Պայմանագիրը լուծելուց հետո՝ 3 աշխատանքային օրվա ընթացքում Բրոքերը պարտավոր է հաճախորդին կամ նրա ներկայացուցչին փոխանցել հաճախորդին պատկանող դրամական միջոցները :

Ֆինանսական գործիքների տեսակները, որոնցում կարող են ներդրվել հաճախորդների միջոցները

Տարբեր արտարժութային զույգեր,

Սփոթ մետաղներ,
Տարբեր ապրանքային և ֆոնդային ինդեքսների գնային տարբերության պայմանագրեր (CFD),
Կրիպտոարժույթներով գնային տարբերւթյան պայմանագրեր (CFD),
US, EU, UK բաժնետոմսերի գնային տարբերւթյան պայմանագրեր (CFD):

Ռիսկերի մասին

Հաճախորդները պետք է տեղեկացված լինեն որոշակի ներդրումների տեսակների և առևտրային ռազմավարությունների բնույթի ու դրանց հետ կապված ռիսկերի մասին: Ֆինանսական շուկաներում գործարքները կարող են հանգեցնել հաճախորդի ներդրումների կորստի: Ավելի մանրամսն ռիսկերի մասին տեղեկանալու համար, սեղմեք այստեղ:

Հաճախորդների գործարքների իրականացման, պատվերների ընդունման և կատարման ընթացակարգերը

Բրոքերային ծառայությունների մատուցման շրջանակներում Բրոքերը МТ4 առևտրային հարթակի միջոցով հաճախորդներից ընդունում է ֆինանսական շուկայի գործիքներով գործարքների կատարման պատվերներ: Բրոքերը հաճախորդից ընդունում է պատվերներ և դրանք փոխանցում կատարման МТ4 հարթակի ֆունկցիոնալին համապատասխան: Բրոքերը հաճախորդների այլ հավասար պայմաններ ունեցող պատվերները կատարում է ըստ դրանց ստացման հերթականության: Առանձին դեպքերում Բրոքերը ողջամիտ ջանքեր կգործադրի հաճախորդին հեռախոսի կամ հեռահաղորդակցման այլ հասանելի միջոցների, մասնավորապես սկայպ հավելվածի միջոցով աջակցություն ցուցաբերելու համար, (եթե այլ բան սահմանված չէ կողմերի միջև) և կատարման համար Բրոքերը հաճախորդի պատվերները կփոխանցի բանկերին, միջնորդ բրոքերներին, և դիլերներին: Բրոքերի համաձայնության դեպքում հաճախորդը կարող է Բրոքերին հանձնարարություններ տալ նաև հեռախոսի միջոցով: Հեռախոսով որևէ հրահանգ ստանալու դեպքում Բրոքերը կարող է խնդրել հաճախորդին գրավոր ձևով հաստատել այդ հրահանգները: Ինքնության հաստատման նպատակով հաճախորդին նախապես տրամադրվում է հեռախոսային գաղտնաբառ : Ավելի մանրամասն հաճախորդների պատվերների կատարման քաղաքականության մասին սեղմեք այստեղ

Գործարքների իրականացման վայրերը

Հաճախորդների գործարքները իրականացվում են ֆոնդային բորսայից դուրս չկարգավորվող շուկայում:

Շահերի բախման քաղաքականությունը

Ընկերության շահերի բախման քաղաքականությանը ծանոթանալու համար, խնդրում ենք սեղմեք այստեղ

Ծառայություններից օգտվելու համար անհրաժեշտ փաստաթղթերի ցանկը

Ստորև ներկայացնում ենք ոլորտը կարգավորող և վերահսկող լիազոր մարմնի կողմից, ինչպես նաև Ընկերության համապատասխան քաղաքականության համաձայն պահանջվող փաստաթղթերի ցանկը:

Խնդրում ենք լրացնել կից դիմումի ձևերը և տրամադրել անհրաժեշտ տեղեկատվություն՝ ստորև ներկայացված ցանկին համապատասխան:

Կորպորատիվ հաճախորդների համար անհրաժեշտ փաստաթղթերն են՝

Հաշվի բացման համար Էքուիթի Էյ Էմ-ի դիմումի ձևը լրացված առցանց համակարգով (ինչպես նաև թղթային դիմումի ձև։ Հղման կամ թղթային դիմումի ձևի համար խնդրում ենք գրել [email protected] էլ հասցեին կամ զանգահարել (+374 12) 24-00-24 հեռախոսահամարով):
Գրանցման վկայական,
Ընկերության կանոնադրությունը կամ այլ համարժեք փաստաթուղթ,
Բաժնետերերի մասին գրանցամատյան/ցուցակ,
Տնօրենների մասին գրանցամատյան/ցուցակ,
Տնօրենների խորհրդի որոշում,
Անձը հաստատող պաշտոնական փաստաթուղթ, (դիմումի ձևում ներկայացված յուրաքանչյուր բաժնետիրոջ կամ մասնակցի, ինչպես նաև տնօրենի, լիազորված անձի՝ պետության կողմից տրված անձը հաստատող փաստաթուղթը (օրինակ՝ անձնագիր կամ ID քարտ) պետք է պարունակի ընթերցող սարքի համար նախատեսված MRZ (machine readable zone) դաշտեր, ինչպես նաև պարզ տեսանելի գունավոր լուսանկար և առկայության դեպքում՝ գրանցման հասցեի մասին տվյալներ):
Բնակության հասցեն հաստատող փաստաթուղթ (դիմումի ձևում ներկայացված յուրաքանչյուր բաժնետիրոջ, տնօրենի, ինչպես նաև լիազորված անձի բնակության հասցեն հաստատող փաստաթուղթ՝ տրված երրորդ անձի կողմից, օրինակ՝ բանկային քաղվածք, կոմունալ վճարների քաղվածք, որոնք պետք է ունենան ոչ ավել քան ոչ ավել քան երեք ամսվա վաղեմություն):
W8Ben-E կամ FATCA (w9) լրացված փաստաթուղթ՝ ԱՄՆ հարկային գանձումների և հաշվետվությունների նպատակով շահառուի օտարերկրյա կարգավիճակի առկայության կամ բացակայության մասին հավաստագիր։

Եթե հաճախորդը կամ հաճախորդի բաժնետերերը չեն հանդիսանում ԱՄՆ քաղաքացիներ, ապա անհրաժեշտ է լրացնել W8Ben-E ձևը։
Իսկ եթե հաճախորդը կամ հաճախորդի բաժնետերերը հանդիսանում են ԱՄՆ քաղաքացիներ, ապա անհրաժեշտ է լրացնել FATCA (w9) ձևը:

Էքուիթի Էյ Էմ–ի Ընդհանուր պայմանները և դրույթները։

Դիմումատուն ծանոթանում է փաստաթղթին, ստորագրում և ներկայացնում Ընկերություն՝ հաստատելով Ընդհանուր պայմանները և դրույթներն ընդունելու իր համաձայնությունը և հետևելու պարտավորությունը։

Ֆիզիկական անձ հանդիսացող հաճախորդների համար անհրաժեշտ փաստաթղթերն են՝

Հաշվի բացման համար Էքուիթի Էյ Էմ-ի դիմումի ձևը՝ լրացված առցանց համակարգով (ինչպես նաև թղթային դիմումի ձև: Հղման կամ թղթային դիմումի ձևի համար խնդրում ենք գրել [email protected] էլ հասցերին կամ զանգահարել (+374 12) 24-00-24 հեռախոսահամարով):
Անձը հաստատող պաշտոնական փաստաթուղթ,

(Պետության կողմից տրված անձը հաստատող փաստաթուղթը (օրինակ՝ անձնագիր կամ ID քարտ) պետք է պարունակի ընթերցող սարքի համար նախատեսված MRZ (machine readable zone) դաշտեր, ինչպես նաև պարզ տեսանելի գունավոր լուսանկար և առկայության դեպքում՝ գրանցման հասցեի մասին տվյալներ):

3. Բնակության հասցեն հաստատող փաստաթուղթ,

(դիմումի ձևում ներկայացված յուրաքանչյուր բաժնետիրոջ, տնօրենի, ինչպես նաև լիազորված անձի բնակության հասցեն հաստատող փաստաթուղթ՝ տրված երրորդ անձի կողմից, օրինակ՝ բանկային քաղվածք, կոմունալ վճարների քաղվածք, որոնք պետք է ունենան ոչ ավել քան ոչ ավել քան երեք ամսվա վաղեմություն):

W-8BEN ձև լրացված փաստաթուղթ՝ ԱՄՆ հարկային գանձումների և հաշվետվությունների նպատակով շահառուի օտարերկրյա կարգավիճակի մասին հավաստագիր (ֆիզիկական անձանց համար)։

Մաս 1.

1-4 կետերը լրացնել;

5-րդ կետը բաց թողնել;

6-րդ կետը լրացնել (հարկային նույնականացման համար, օրնակ՝ Չինաստանում անձի հարկային նույնականացման համարը նշված է առաջին տողում);

7-րդ կետը բաց թողնել;

8-րդ կետը լրացնել:

• Հաճախորդը պետք է դասակարգվի որպես պրոֆեսիոնալ հաճախորդ այն դեպքում, երբ բավարարում է հետևյալ չափանիշներից առնվազն երկուսին.

հաճախորդը դիմումի ներկայացմանը նախորդող 4 եռամսյակների ընթացքում արժեթղթերի շուկայում իրականացրել է 10 և ավելի գործարք միջին եռամսյակային կտրվածքով, ընդ որում` մեկ գործարքի ծավալը միջին հաշվով կազմում է առնվազն մեկ միլիոն Հայաստանի Հանրապետության դրամ,
հաճախորդի արժեթղթերի փաթեթի մեծությունը դիմումի ներկայացման պահին գերազանցում է 100 միլիոն Հայաստանի Հանրապետության դրամը,
հաճախորդը ֆինանսական շուկայում ունի առնվազն 2 տարվա մասնագիտական աշխատանքային փորձ, որը պահանջում է հաճախորդին մատուցվող այն ծառայությունների հետ կապված գիտելիքներ, որոնց հետ կապված վերջինս նախաձեռնություն է իրականացնում պրոֆեսիոնալ դասակարգվելու համար:

Բացի այդ, հաճախորդի կողմից ներդրվող նվազագույն ապահովվածության գումարը (մարժան) պետք է կազմի առնվազն՝
• Հայաստանի Հանրապետության ռեզիդենտների համար 5,000,000 ՀՀ դրամ
• Հայաստանի Հանրապետության ոչ ռեզիդենտների համար 2,500,000 ՀՀ դրամ։

6․ Էքուիթի Էյ Էմ-ի Ընդհանուր պայմանները և դրույթները:

Դիմումատուն ծանոթանում է փաստաթղթին, ստորագրում և ներկայացնում Ընկերություն՝ հաստատելով Ընդհանուր պայմանները և դրույթներն ընդունելու իր համաձայնությունը և հետևելու պարտավորությունը։

Թարմացվել է՝ 01.08.2023, 12:10